- १ आश्विन २०८३, बिहीबार / Sep 17, 2026
काठमाडौं । मलेसियाको राजधानी क्वालालम्पुरमा आठ दिनअघि ढलमा खसेकी एकजना भारतीय महिला अझै भेटिएकी छैनन् । फुटपाथमा हिँडिरहेको बेला अचानक आठ मिटर गहिरो ढलमा खसेकी ४८ वर्षकी विजया लक्ष्मी गालीको खोजी आज आठौँ दिन पनि चलिरहेको तर अहिलेसम्म उनी नभेटिएको उद्धारकर्तालाई उद्धृत गर्दै बीबीसीले जनाएको छ ।
खोजी शुरु गरेको १७ घण्टापछि उद्धारकर्मीले हराएकी महिलाको जोडी चप्पल भेटाएका थिए । त्यसपछि कुनै प्रगति नभएको खबरमा उल्लेख छ । उद्धारको लागि एक सय १० जना रातदिन नभनी खटिएका छन् । उद्धारकर्मीले गोताखोरलाई ढलमा पठाउने तयारी गरेपनि खतरा रहेका का
काठमाडौं । मलेसियाको रण यो योजनालाई स्थगित गरेका छन् ।
दुई जना उद्धारकर्मीलाई ढलको भित्री भागबाट केही परसम्म पठाएकोमा लेदो र पानीका कारण समस्या भोगेपछि फिर्ता बोलाइएको छ । ढलभित्र मलमुत्रसँगै टायर, कपाल र खाना पकाउने तेलका प्लाष्टिक लगायतका फोहोरको ठूलो अवरोध रहेको उनीहरुले बताएका छन् । अग्नि तथा उद्धार विभागका महानिर्देशक नोर हिशम मोहम्मदले यसलाई उद्धार इतिहासकै चुनौतीपूर्ण घटना भन्दै चिन्ता व्यक्त गरेका छन् ।
फोहोरले भरिएको, अक्सिजन नभएको र निकै अँध्यारो ठाउँमा उद्धार गर्नु निकै चुनौतीपूर्ण काम मानिएको छ । आन्ध्र प्रदेशकी विजया लक्ष्मी परिवारका सदस्यसहित मलेसिया घुम्न गएकी थिइन् । महिलाका परिवार सुखद खबरको प्रतिक्षामा बसेका छन्, तर अवस्था सुखद नरहेको महानिर्देशक मोहम्मदको भनाइ छ । मलेसिया सरकारले महिलाका परिवारको भिसा अवधि थप गरेको छ । एजेन्सी
