एकीकृत समाजवादीले कसैसंग एकता नगर्ने

काठमाडौं । एकीकृत समाजवादीले कुनै पनि दलसँग एकता नगर्ने निर्यण गरेको छ । विगत पाँच दिनदेखि जारी स्थायी कमिटी बैठक आज पनि टुङ्गिएको छैन ।

तर, कुनै पनि दलसँग पार्टी एकता नगर्ने विषयमा भने सहमति जुटेको उपाध्यक्ष जगन्नाथ खतिवडाले बताए । नेकपा माओवादी केन्द्रसँग पार्टी एकता हुने व्यापक चर्चाका बीच एकीकृत समाजवादीको स्थायी कमिटी बैठकले यस्तो निर्णय गरेको हो ।

एकीकृत समाजवादीले सहकार्यका लागि भने मार्ग खुल्ला राखेको छ । बैठक पुनः भोलि दिउँसो १ बजेका लागि बोलाइएको छ ।