सरकारविरुद्ध आन्दोलनको आँधीवेहरी चर्काउँदै माओवादी

काठमाडौं । सबै स्थानीय तहमा खबरदारी सभा गर्नेबारे निर्णय लिन नेकपा माओवादी केन्द्रको पदाधिकारी बैठक सुरु भएको छ ।

‘प्रचण्ड’ निवास खुमलटारमा अहिले बैठक बसिरहेको छ । आजको बैठकमा आगामी मंसिर १६ गते हुने उपनिर्वाचन, केन्द्रीय समिति बोलाउने एजेण्डामा बैठक केन्द्रित रहेको पार्टी उपाध्यक्ष एवं प्रवक्ता अग्नि सापकोटाले बताए ।

बैठक माओवादीले सरकारविरुद्ध आन्दोलन चर्काउने विषयमा केन्द्रीत रहेको माओवादीले जनाएको छ । आजको बैठकमा आन्दोलनको ‘मोडालिटी’का बारेमा छलफल हुने बताइएको छ ।