- १३ जेष्ठ २०८३, बुधबार / May 27, 2026
काठमाडौं । पोखराका मसाज सेन्टरबाट प्रहरीले पाँच जना बालिकाको उद्धार गरेको छ। पोखरा महानगरपालिका–६ लेक साइडमा सञ्चालनमा रहेका तीनवटा ‘स्पा’ बाट पाँच जनाको उद्धार गरिएको जिल्ला प्रहरी कार्यालय कास्कीका सूचना अधिकारी प्रहरी नायव उपरीक्षक वसन्तकुमार शर्माले जानकारी दिए।
‘नेक्टर इको फुट स्पा’ बाट तीनजना, ‘पन्चासे स्पा एन्ड पार्लर’ बाट एक जना र ‘नमस्ते वेलनेस स्पा’ बाट एकजना बालिकाको उद्धार गरिएको प्रहरीले बताए।
मसाज सेन्टरहरूमा बालिकाहरूलाई काममा लगाउने गरेको भन्ने सूचनाको आधारमा जिल्ला प्रहरी कार्यालय कास्की, पोखरा महानगरपालिकाको सामाजिक महाशाखा, राष्ट्रिय बाल अधिकार परिषद् र शक्ति समूह नेपालबाट संयुक्त रूपमा खटिएको अनुगमन टोलीले ती मसाज सेन्टरहरूमा अनुगमन गरेको थियो।
लेक साइडमा रहेकामध्ये १५ वटा मसाज सेन्टरहरूमा गरिएको अनुगमनमा ती वटाले बालिकाहरू राखेर काममा लगाएको पाइएको हो।
