हेटौडाको एक होटलमा युवती मृत फेला

काठमाडौं । हेटौडा उपमहानगरपालिका-१० बसपार्कस्थित एक होटलमा युवती मृत भेटिएकी छन् । हेटौडा ११ थानाभर्‍याङकी एलिसा न्यौपाने होटलमा मृत फेला परेकी हुन् ।

प्रहरी नायब उपरीक्षक लक्ष्मी भण्डारीका अनुसार न्यापानेका होटलको कोठा नम्बर २०५ मा सोमबार बिहान ११ बजे मृत फेला परेकी हुन् ।
आइतबार बिहान अबेरसम्म ढोका नखुलेपछि होटल सञ्चालकले प्रहरीलाई खबर गरेका थिए । प्रहरीका अनुसार उनी हिजो अपरान्ह ५ बजे एक युवकसँग होटलमा आएको र ती युवक राति करिब ९ बजे होटलबाट बाहिरिएको प्रारम्भिक अनुसन्धानबाट खुलेको छ ।

शवलाई हेटौंडा अस्पतालमा राखिएको र घटनाबारे थप अनुसन्धान भइरहेको उनले बताए ।