- २६ असार २०८३, शुक्रबार / Jul 10, 2026
काठमाडौँ, २० बैशाख । नारायणगढ–मुग्लिन सडक अन्तर्गत चितवनको तुइन खोलामा खसेको पहिरो पन्छाएपछि सडक पूर्ण रूपमा सञ्चालनमा आएको छ।
आज बिहान ढुङ्गासहितको पहिरो खस्दा सडक अवरुद्ध भई एकतर्फी मात्र सवारी सञ्चालन भइरहेको थियो। तर सम्बन्धित निकायले पहिरो हटाएपछि अहिले सडक दुवैतर्फी रूपमा सञ्चालनमा आएको हो।
इलाका प्रहरी कार्यालय मुग्लिन का अनुसार पहिरो पन्छाउने कार्य सम्पन्न भएसँगै सवारी आवतजावत सहज बनेको छ। यस सडकखण्ड देशकै प्रमुख राजमार्गमध्ये एक भएकाले अवरोध हुँदा यात्रु र ढुवानी सेवामा समस्या उत्पन्न भएको थियो। अहिले भने स्थिति सामान्य बन्दै गएको प्रहरीले जनाएको छ।
