- २६ आश्विन २०८३, सोमबार / Oct 12, 2026
काठमाडौं, १३ फागुन । निर्वाचन प्रचारप्रसारका क्रममा भित्तेलेखन, पोस्टर, ब्यानर वा डिजिटल डिस्प्ले प्रयोग गरे २५ हजार रुपैयाँसम्म जरिवाना हुने भएको छ । निर्वाचन आयोग ले यस्तो कार्य आचारसंहिता विपरीत हुने जनाएको हो ।
आयोगका अनुसार निर्वाचन प्रचारका लागि तोकिएको आकार र रङको सामान्य पर्चा वितरण गर्न पाइने भए पनि धार्मिक, पुरातात्विक, ऐतिहासिक, सरकारी, सार्वजनिक वा निजी भवन, स्मारक तथा पर्खालमा कुनै सामग्री टाँस्न पाइँदैन ।
यस्तै, सभा वा भेलामा सूचना प्रवाहका लागि बाहेक अन्यत्र साउन्ड सिस्टम प्रयोग गर्न नपाइने व्यवस्था छ । मतदान हुने दिनभन्दा ४८ घण्टा अघिदेखि मतगणना सम्पन्न नभएसम्म कुनै उम्मेदवार वा दलको पक्ष वा विपक्षमा सभा, जुलुस, नाराबाजी वा अन्य प्रचारप्रसार गर्न रोक लगाइएको छ ।
निर्वाचन आचारसंहिता २०८२ अनुसार आयोग, निर्वाचन अधिकृत वा अनुगमनकर्ताले उल्लंघन गर्ने व्यक्तिलाई २५ हजार रुपैयाँसम्म जरिवाना गर्न सक्ने प्रावधान रहेको छ ।
