- २६ आश्विन २०८३, सोमबार / Oct 12, 2026
काठमाडौं, १५ फागुन । प्रतिनिधिसभा निर्वाचन नजिकिँदै जाँदा काठमाडौं उपत्यकामा सवारी चाप बढेको छ । नियमित ट्राफिक प्रहरीलाई निर्वाचन सुरक्षाका लागि उपत्यकाबाहिर खटाइएपछि राजधानीका विभिन्न चोक–चोकमा ट्राफिक व्यवस्थापनमा केही कठिनाइ देखिएको छ ।
बढ्दो जामलाई नियन्त्रण गर्न अहिले निर्वाचन प्रहरीसमेत सडकमा खटिएका छन् । उनीहरूले सवारी अनुशासन कायम गराउने, जाम खुलाउने तथा यात्रुलाई सहज आवागमन गराउन सक्रिय भूमिका निर्वाह गरिरहेका छन् ।
काठमाडौं उपत्यका ट्राफिक प्रहरी प्रमुख नवराज अधिकारीका अनुसार निर्वाचन नजिकिएसँगै केही ट्राफिक प्रहरीलाई उपत्यकाबाहिर पठाइएकाले यहाँ जनशक्ति अभाव देखिएको हो । सोही कारण जाम बढेका स्थानमा निर्वाचन प्रहरीलाई पनि ट्राफिक व्यवस्थापनमा परिचालन गरिएको उनले बताए ।
निर्वाचन सुरक्षासँगै राजधानीको सवारी व्यवस्थापनलाई प्रभावकारी बनाउन सम्बन्धित निकायले समन्वयात्मक ढंगले काम गरिरहेको जनाइएको छ ।
