आईएमईको चुक्ता पूँजी एक अर्ब रुपैयाँ नाघ्यो

काठमाण्डौ । आईएमई र जीएमई रेमिटले एकीकृत कारोबारको संयुक्त रूपमा शुभारम्भ गरेका छन् । नेपाल राष्ट्र बैंकका डेपुटी गभर्नर बमबहादुर मिश्र, आईएमई लिमिटेडका अध्यक्ष चन्द्रप्रसाद ढकाल, आईएमई लिमिटेडका प्रबन्ध निर्देशक हेमराज ढकाल र नेपाल राष्ट्र बैंकका कार्यकारी निर्देशक गुरुप्रसाद पौडेलले संयुक्त रुपमा एकीकृत कारोबार सुरु गरेका हुन ।

आईइएमईका अध्यक्ष चन्द्रप्रसाद ढकालले रेमिट्यान्सको आकार बढेको, डिजिटल प्रविधिको विकाससँगै रेमिट्यान्सलाई डिजिटल माध्यमबाट सिधै वालेटमा वा बैंक खातामा पठाउन सकिने भएकाले रेमिट्यान्स कम्पनीको क्षेत्राधिकार विस्तारमा नेपाल राष्ट्र बैंकले सहजीकरण गर्ने विश्वास रहेको बताए ।

मर्जरपछि बनेको आईएमईको चुक्ता पूँजी एक अर्ब रुपैयाँ नाघेको छ । एकीकृत कारोबारको शुभारम्भ गर्दै डेपुटी गभर्नर मिश्रले राष्ट्र बैंकको प्राथमिकता बमोजिम औपचारिक अर्थतन्त्र निर्माणमा आईएमई रेमिट्यान्सको योगदान सशक्त रहेको बताउनुभयो । रेमिट्यान्स सेवालाई सहज एवम् थप प्रविधियुक्त र सुलभ बनाउन पनि मर्जरले योगदान दिने बताए ।