- ५ असार २०८३, शुक्रबार / Jun 19, 2026
एजेन्सी, २९ भाद्र । पाकिस्तानको वजिरिस्तान जिल्लामा पाकिस्तानी तालिबान समूहले आक्रमण गर्दा कम्तीमा १२ जना सुरक्षाकर्मीको ज्यान गएको छ।
स्थानीय सरकारी अधिकारीका अनुसार सैनिक गस्ती दल सवार रहेको अवस्थामा दुवैपट्टिबाट हतियारसहित आक्रमण गरिएको थियो। आक्रमणमा १२ सुरक्षाकर्मी मारिएका र अन्य चार जना घाइते भएका अन्तर्राष्ट्रिय समाचार संस्था एएफपीले उल्लेख गरेको छ।
आक्रमणपछि आक्रमणकारीहरूले सुरक्षाकर्मीको हतियार पनि कब्जामा लिएको जनाइएको छ।पाकिस्तानी तालिबान, जसलाई तहरीक–ए–तालिबान पाकिस्तान भनिन्छ, यो समूह अफगान तालिबानबाट अलग भए पनि घनिष्ठ सम्बन्ध रहेको मानिन्छ। आक्रमणको जिम्मेवारी तालिबान समूहले सामाजिक सञ्जालमार्फत लिएको छ।
