पहिरोले बेँसीसहर–चामे सडक अवरुद्ध

लमजुङ । पहिरोले लमजुङको बेँसीसहर–मनाङको चामे सडक अवरुद्ध भएको छ । लमजुङ र मनाङलाई जोड्ने एक मात्र सडकखण्डको मर्स्याङ्दी गाउँपालिका–४ श्रीचौरमा पहिरो झरेका कारण सडक अवरुद्ध भएको हो ।

जिल्ला प्रहरी कार्यालय लमजुङका सूचना अधिकारी थानेश्वर चपाईंले पहिरोका कारण गाडी चल्न नसकेको र यात्रु समस्यामा परेका बताउनुभयो ।

पहिरोबारे डुम्रे–बेँसीसहर–चामे सडक योजना कार्यालयलाई खबर गरिएको छ । अवरुद्ध सडक खुलाउने प्रयास भैरहेको जिल्ला प्रहरी कार्यालय लमजुङले जनाएको छ । रासस