- १५ आश्विन २०८३, बिहीबार / Oct 1, 2026
काठमाडौं । सेती नदीको ड्याम खोलिने भएको छ । पोखरामा बेपत्ता बिरामीको खोजी गर्न उक्त ड्याम खोलिने भएको हो । बिरामी भएर संगम मिश्र उपचारका लागि मणिपाल अस्पतालमा भर्ना भएका थिए । इमर्जेन्सी वार्डमा राखिएका उनी बुवा हरिप्रसाद मिश्र औषधि लिन गएका बेला अस्पतालबाट बेपत्ता भएका थिए ।
सोमबार साँझदेखि पोखराको मणिपाल शिक्षण अस्पतालबाट बेपत्ता भएका तनहुँका १९ वर्षीय मिश्रलाई खोज्न सेती नदीको ड्याम खोलिने प्रहरीले जनाएको छ । उनको खोजी गर्न ड्याम खोल्नुपर्ने भएकाले प्रहरीले दिउँसो १२ बजेदेखि ४ बजेसम्म ड्यामभन्दा तलका बासिन्दालाई सतर्क रहन आग्रह गरेको छ ।
उनको खोजी गर्ने क्रममा मणिपाल अस्पतालबाट नदिपुरतर्फ जाने झोलुङ्गे पुलमा संगमले लगाएको कपडा र परिचयपत्र भेटिएपछि सेती नदीमा हाम फालेको हुनसक्ने प्रहरीको अनुमान छ ।
