- ११ कार्तिक २०८३, बुधबार / Oct 28, 2026
काठमाडौं । गायक, संगीतकार तथा संगीत संयोजक आरके मिलनको “पैसा कता जान्छ” भाग २ (शहरमा पुग्यो रहर) बोलको गीत सार्वजनिक भएको छ ।
पछिल्लो सामाजिक परिवेशसंग सुहाउँदो आरके मिलनको शहरमा पुग्यो रहर शनिबार सुनकोशी मिडिया प्रा.लि युटुब च्यानलबाट सार्वजनिक भएको हो ।
गीत सार्वजनिक भएपछि गायक मिलनले माया प्रेमका गीतहरुको भिडमा यो कारुणीक गीत सबैलाई मन नपर्न सक्छ तर जो ब्यक्तिले यो पिडा भोगी रहेको छ त्यो ब्यक्तिलाई भने अबस्य यो गीतले मन छुनेछ भन्ने प्रतिक्रिया दिएका छन् ।
““पैसा कता जान्छ” भन्ने गीतलाई दर्शकको अपार मायापछि फेरि “पैसा कता जान्छ” भाग २ (शहरमा पुग्यो रहर) गीत सार्वजनिक गर्न पाउँदा आफूलाई खुशी लागेको गायक मिलनले बताएका छन् ।
उनले भनेका छन् “समाजमा घट्दै आएका यथार्थ कथालाई गीत मार्फत उतार्ने प्रयास गरेकोछु सबैले कामको मूल्याकंन गरिदिनुहोला ।”
“शहरमा पुग्यो रहर” गीत गायक स्वयमले शब्द, संगीत, स्वर र संगीत संयोजन गरेका छन् भने उनलाई अन्नु बैजु, राजकुमार थापा, राजन पुरीले स्वारमा साथ दिएका छन् ।
