- ११ जेष्ठ २०८३, सोमबार / May 25, 2026
काठमाडौं । लामो समयपछि कैलाली, कञ्चनपुर, बाँके, बर्दिया, हुम्ला, जुम्ला, डोटी, डडेल्धुरा, बैतडी, बाजुरा, अछाम, सल्यान, रोल्पा, रुकुम, प्यूठान, अर्घाखाँची, गुल्मी, बाग्लुङ, म्याग्दीलगायतका पश्चिमी जिल्लामा पानी परेको छ । आइतवारदेखि पानी पार्न सक्ने अर्को प्रणाली भित्रिने सम्भावना रहेको जल तथा मौसम पूर्वानुमान महाशाखाले जनाएको छ ।
माघ दोस्रो हप्तासम्म पनि हिउँ नपरेपछि खडेरी लाग्ने भन्दै किसान चिन्तामा भएपनि हिउँदे वर्षाले किसान खुशी भएका छन् । काठमाण्डौदेखि सुदूरपश्चिमसम्मका धेरै ठाउँमा हल्का पानी परेको महाशाखाले जनाएको छ। वर्षाले हिउँदे बालीलाई राहत पुग्नेको किसानको भनाइ छ ।
काठमाण्डौ उपत्यकामा हल्का वर्षा भएको छ । काठमाण्डौमा दिउँसोपख मौसम बदली भए पनि पानी पर्ने सम्भावना नरहेको महाशाले जनाएको छ । कोशी र गण्डकीका पहाडी क्षेत्रमा फाटफुट वर्षा हुने अनुमान छ । पश्चिमी वायुको प्रभावले सुुदूरपश्चिम, कर्णाली, लुम्बिनी र गण्डकी प्रदेशका धेरै ठाउँमा मध्यम तथा हल्का वर्षासँगै उच्च पहाडी तथा हिमाली क्षेत्रमा हिमपात भएको छ ।
