मुगुका प्रधानाध्यापकको संगीत यात्रा ‘झल्क्यो बगस’

काठमाडौं । मुगुका शिक्षक एवं गायक तथा सर्जक चन्द्रप्रकाश बडुवालले झल्क्यो बगस सार्वजनिक गरेका छन् ।

कल्पना मल्ल लगायत कलाकारको अभिनय रहेको यो म्यूजिक भिडियो उनले आफ्नो जन्म दिनको अवसर पारेर सार्वजनिक गरेका हुन् ।

यो गीतमा उनकै शब्द र संगीत रहेको छ । मुगुको छायानाथ रारा नगरपालिका–१० का बडुवालले यसअघि टीम्क्या नामक देउडा गीतको म्युजिक भिडियो बजारमा ल्याएका थिए ।

कर्णाली माध्यमिक विद्यालय टोप्लामा प्रधानाध्यापकका रूपमा कार्यरत उनी माध्यमिक तह नेपाली विषयका शिक्षक हुन् ।

बालबालिकालाई विभिन्न मनोरञ्जनका माध्यमबाट शिक्षण सिकाइ गराउँदै आएका बडुवाल गायन मात्र होइन कथा, कविता, गजल र मुक्तकको पनि रचना गर्छन् ।

भिडियो हेर्न यहाँ थिच्नुहाेस्…