- ३ आश्विन २०८३, शनिबार / Sep 19, 2026
काठमाडौँ, २४ असार । रसुवाको गोसाईंकुण्ड गाउँपालिका वडा नं. २ स्थित रसुवागढीमा आएको बाढीका कारण अलपत्र परेका ९ जनालाई नेपाली सेनाले सकुशल उद्धार गरेको छ।
नेपाल–चीन सिमानामा पर्ने लेण्डे खोलाबाट भोटेकोशी नदीमा बहाव बढेपछि फसेका उनीहरूलाई सेनाको टिमुरे क्षेत्रबाट उद्धार गरिएको सैनिक जनसम्पर्क तथा सूचना निर्देशनालयले जनाएको छ।
उद्धारका लागि नेपाली सेनाले एनए–०३८ एमआई र इकुरेल हेलिकोप्टर परिचालन गरेको थियो।त्यसैगरी, नुवाकोटको त्रिशूली नदीमा रुखमा बसेर ज्यान जोगाइरहेका दुई जनालाई पनि सेनाको एमआई हेलिकोप्टरले उद्धार गरेको छ।
सेनाको सक्रिय उद्धार कार्य जारी रहेको र थप फसेकाहरूको खोजी भइरहेको जनाइएको छ।
