- २९ श्रावण २०८३, शुक्रबार / Aug 14, 2026
काठमाडाैं, १८ वैशाख । काठमाडौँ उपत्यकामा पछिल्लो २४ घण्टामा ट्राफिक नियम उल्लङ्घन गर्ने दुई हजार ९३ सवारी चालक कारबाहीमा परेका छन् । उक्त कारबाहीबाट राज्यकोषमा १९ लाख ९९ हजार ५०२ रुपैयाँ राजस्व सङ्कलन भएको ट्राफिक प्रहरीले जनाएको छ ।
काठमाडौँ उपत्यका ट्राफिक प्रहरी कार्यालयका अनुसार मादक पदार्थ सेवन गरी सवारी चलाउने ६५ जना, नियमविपरीत राइड सेयरिङ गर्ने २२५ जना, ट्राफिक सङ्केत उल्लङ्घन गर्ने १३७ जना तथा तीव्र गतिमा सवारी चलाउने १५३ जनामाथि कारबाही गरिएको छ ।
त्यस्तै, लेन अनुशासन पालना नगर्ने १९४, निषेधित क्षेत्रमा हर्न बजाउने ५८, सडक पेटीमा पार्किङ गर्ने १०९ तथा निर्धारित स्थान बाहिर यात्रु चढाउने–ओराल्ने ४१ जनालाई पनि कारबाही गरिएको छ । अन्य विभिन्न नियम उल्लङ्घन गर्ने एक हजार १२१ जना चालक समेत कारबाहीमा परेको कार्यालयले जनाएको छ ।
