- ३ बैशाख २०८३, बिहीबार / Apr 16, 2026
काठमाडौं, ६ वैशाख । अमेरिकी राष्ट्रपति डोनाल्ड ट्रम्पले रुस र युक्रेनबीचको शान्ति वार्ता सफल नहुने संकेत देखिएमा अमेरिका वार्ताको मध्यस्थता प्रयासबाट पछि हट्ने चेतावनी दिएका छन्।
शुक्रबार ओभल अफिसमा सञ्चारकर्मीहरूसँग कुरा गर्दै ट्रम्पले भने, “म केही दिनभित्र युद्धविरामको आशा गरिरहेको छैन, तर म चाहन्छु कि यो यथासक्य चाँडो होस्।” यसअघि अमेरिकी विदेशमन्त्री मार्को रुबियोले पनि स्पष्ट रूपमा भनेका थिए, “यदि युद्धविरामको कुनै संकेत देखिएन भने अमेरिका केही दिनमै मध्यस्थता प्रयास त्याग्नेछ।”
संभावित शान्ति सम्झौताबारे सोधिएको प्रश्नमा ट्रम्पले भने, “हामी यहाँ ती मानिसहरूको बारेमा कुरा गरिरहेका छौँ, जो मर्दै छन्। जति सकिन्छ रोक्ने प्रयास गर्छौँ। तर, यदि कुनै पक्षले यो प्रक्रिया अत्यन्तै जटिल बनायो भने हामी भन्छौं – तिमी मूर्ख हौ, बेवकूफ हौ र डरलाग्दा मानिस हौ – अनि हामी पछि हट्नेछौं।”
उनको यो अभिव्यक्ति युक्रेनी राष्ट्रपति भोलोदिमिर जेलेन्स्कीले अमेरिकी विशेष दूत स्टीव विटकोफमाथि ‘रूसी प्रचार’ फैलाएको आरोप लगाएपछि आएको हो ।
