अमेरिकी र रुसी राष्ट्रपतिबीच फोनवार्ता हुने

एजेन्सी । अमेरिकी राष्ट्रपति जो बाइडेन र रुसी राष्ट्रपति भ्लादिमिर पुटिनबीच फोनवार्ता हुने भएको छ । दुई राष्ट्रका राष्ट्र प्रमुखबीचमा बिहीबार फोनवार्ता हुने क्रेमलिनले बुधबार विज्ञप्ति प्रकाशन गरेर जानकारी दिएको हो ।
क्रेमलिनका प्रवक्ता दिमित्री पेस्कोभले सो कुराको जानकारी दिंदै सो वार्तामा के कस्ता विषयमा कुराकानी हुने हो भन्ने बारेमा केही बताइएको छैन्

यसअघि दुई देशका राष्ट्रपतिका बीचमा यही डिसेम्बर ७ मा पनि भिडियोमार्फत् कुराकानी भएको थियो । त्यस वेला उनीहरुबीचमा युक्रेनको पछिल्लो अवस्था र त्यहाँ रुसको उपस्थितिका विषयमा कुराकानी भएको बताइएको थियो ।
स्रोतका अनुसार भिडियो कुराकनीमा नेटोका विषयमा पनि कुराकानी भएको थियो । सो वार्तापछि रुसी राष्ट्रपति पुटिनले नेटो सुरक्षासम्बन्धी एक सम्झौता पत्र नै पठाएको बताइएको छ ।