तीन महिनादेखि अवरुद्ध कोल्टी सडकसुचारु

देबराज पाध्याय बाजुरा । करिव तीन महिना देखि अवरुद्ध मार्तडी–कोल्टी सडक सञ्चालनमा आएको छ । वर्षादको समयमा अवरुद्ध बनेको यो सडक आजबाट सञ्चालनमा आएको हो ।

सकडको मर्मत कार्य सकिएपछि सुचारु भएको बडीमालिका नगरपालिका–७ का वडा अध्यक्ष धर्मराज पाध्यायले बताए । कोल्टीदेखि बडिमालिका नगरपालिका–७ ढम्कनेसम्म एक साता पहिले नै सुचारु भैसकेको र ढम्कनेदेखि सदरमुकाम मार्तडीसम्म आज सुचारु भएको हो । सडक सुचारु भएपछि स्थानीय खुशी भएका छन् ।

आवत जावत गर्न कठिन भएपछि दुखि भएका स्थानीयले यात्रा गर्न सहज हुने बताए । जिल्लाका ग्रामीण सडक दशैं अघिनै संचालन गर्न मर्मत समभार गर्न थालिएको जिल्ला प्रशासन बाजुराले जनाएको छ ।