उच्च सुरक्षाकासाथ प्रधानमन्त्री ओली पुल उदघाटन गर्न दाङ जाँदै

काठमाडौं । प्रधानमन्त्री केपी शर्मा ओली आज देउखुरीस्थित राप्ती नदीमा बनेको पुल उदघाटन गर्न दाङ जान लागेका जादै छन्।

लुम्बिनी प्रदेशको स्थायी राजधानी दाङ राप्ती गाउँपालिकाको सिसहनिया र गढवा गाउँपालिकाको महदेवा जोड्ने राप्ती नदीको पुल नेपालकै दोस्रो पुल हो । सो पुलको तत्कालीन प्रधानमन्त्री पुष्पकमल दाहाल ‘प्रचण्ड’ले २०७३ मंसिर २२ गते शिलान्यास गरेका थिए ।

एक अर्बको लागतमा निर्माण सम्पन्न भएको हो । ८६० मिटर लम्बाइ र साढे १० मिटर चौडाइको यो पुलको उदघाटन पछि प्रधानमन्त्री ओलीले लालमटियामा नेकपाको जनसभालाई सम्बोधन गर्ने कार्यक्रम तय गरिएको छ । ओली दाङ्ग जाने भएपछि सुरक्षा व्यवस्था भने कडा पारिएको सुरक्षा स्रोतले जानकारी दिएको छ ।