कर्णाली नदीमा बगेर दुईजना वेपत्ता

२०७७ भाद्र ९, दैलेख ।  कर्णाली नदीमा बगेर दुईजना वेपत्ता भएका छन् । आठबीस नगरपालिका वडा नं ४ भेल्तडीमा नुहाउने क्रममा मंगलबार दुईजना बगेर कर्णाली नदीमा वेत्ता भएका हुन ।

वेपत्ता हुनेमा आठबीस नगरपालिका वडा नं ४ एैढुङ्गा तारापानीका लोकबहादुर माझी र नरबहादुर माझीका वर्ष १३ र १४ का विनोद माझी र भरत माझी बाख्रा चराउन गएको वेला नुहाउने क्रममा कर्णाली नदीमा बगेर वेपत्ता भएको स्थानीय महेनद्र बहादुर माझीले जानकारी दिए ।

वेपत्ता दुबै जना दीपेन्द्र आधारभुत विद्यालय भेल्तडीमा अध्यनरत छात्र रहेको स्थानीय महेन्द्र बहादुर माझीले बताए । उनीहरको खाेजीकार्य रहेको जनाइएको छ ।