झुण्डिएको अवस्थामा युवक मृत फेला

काठमाडौं । कागेश्वरी मनहरा नगरपालिका–५ मा एक युवक झुण्डिएको अवस्थामा मृत फेला परेका छन् ।

आज बिहान थलिस्थित बाटिकामा करिब २४ वर्षका एक युवक रुखमा झुण्डिएको अवस्थामा मृत फेला परेको महानगरीय प्रहरी प्रभाग थलीले जानकारी दिएको छ।

बिहान पानी लिन जाँदा स्थानीयले युवकलाई झुण्डिएको अवस्थामा देखेपछि प्रहरीलाई खबर गरेका थिए।

जानकारी पाएलगत्तै घटनास्थलमा पुगेको प्रहरीले मुचुल्का उठाउन लागिरहेको र युवकको पहिचान हुन बाँकी रहेको बताएकाे छ।

घटनास्थलमा उनको मोबाइल र चस्मासमेत फेला परेको छ। घटनाको अनुसन्धानपछि थप विषय खुल्ने प्रहरीको भनाई छ।