- २ श्रावण २०८३, शनिबार / Jul 18, 2026
काठमाण्डौ । नेपाल विश्वविद्यालय विधेयक–२०७९ राष्ट्रियसभाबाट बहुमतले पारित भएको छ । शिक्षा, विज्ञान तथा प्रविधिमन्त्री अशोककुमार राईले नेपाल विश्वविद्यालय विधेयक सोमवार बसेको राष्ट्रियसभा बैठकमा पारित गरियोस् भनी राखेको प्रस्ताव बहुमतले पारित भएको हो ।
बैठकमा आउँदो आर्थिक वर्षको वन तथा वातावरण मन्त्रालय, महिला, बालबालिका तथा ज्येष्ठ नागरिक मन्त्रालय, सहरी विकास मन्त्रालय, उद्योग, वाणिज्य तथा आपूर्ति मन्त्रालय र युवा तथा खेलकुद मन्त्रालयको विनियोजन शीर्षकमाथिको छलफल सकिएको छ ।
बैठकमा सांसदहरूले आवश्यकता र औचित्यको आधारमा मात्रै थप विश्वविद्यालय खोल्न सरकारलाई सुझाव दिएका थिए ।
