पनौती नगरपालिका वडा १ र २ को मतगणना सुरु

पनौती । स्थानीय तहको निर्वाचनअन्तर्गत पनौती नगरपालिका वडा नं. १ र २ को मतगणना सुरु भएको छ । पनौती नगरपालिकाको कार्यालयमा मतगणना सुरु भएको हो ।

पनौती वडा १ रयालेमा नेपाली काँग्रेसका तर्फबाट वडाध्यक्ष पदमा जय कुमार तामाङ, नेपाल कम्युनिष्ट पार्टी (एमाले)को तर्फबाट वीरमान तामाङ र संघीय लोकतान्त्रिक राष्ट्रिय मञ्चबाट सुकुमान तामाङले प्रतिस्पर्धा गरेका छन् ।

त्यसैगरी पनौती नगरपालिका वडा २ कुसादेवीमा नेपाल कम्युनिष्ट पार्टी (एमाले)को तर्फबाट पुरुषोत्तम अधिकारी, नेपाली काँग्रेसको तर्फबाट पुष्पराज बोलखे, नेपाल कम्युनिष्ट पार्टी (माओवादी केन्द्र)का तर्फबाट नारायण सापकोटा, राष्ट्रिय प्रजातन्त्र पार्टीबाट बाल कृष्ण अधिकारी र उन्‍नत लोकतन्त्र पार्टीका तर्फबाट केशव कुमार श्रेष्‍ठले प्रतिस्पर्धा गरेका छन् ।