- २८ जेष्ठ २०८३, बिहीबार / Jun 11, 2026
काठमाडौं । नक्कली नोट छाप्ने प्रिन्टरसहित दुई जनालाई पक्राउ परेका छन् । महानगरीय प्रहरीवृत्त कालिमाटीबाट खटिएको प्रहरी टोलीले रौतहटका ३५ वर्षीय गनबहादुर लोप्चान र मकवानपुरकी ३९ वर्षीया माया तामाङलाई पक्राउ गरी बिहीबार सार्वजनिक गरेको हो ।
कलङ्की तरकारी बजारमा नक्कली नोट बोकेका व्यक्तिले तरकारी किन्नेको र त्यहीँबाट सुराकीका आधारमा बुधबार राति पक्राउ गरिएको महानगरीय प्रहरी परिसर काठमाडौँका प्रवक्ता, प्रहरी उपरीक्षक रमेशबहादुर बस्नेतले बताए । पक्राउ परेका व्यक्तिले कीर्तिपुरको एक घरमा प्रिन्टर मेसिनसमेत राखेर नक्कली पैसा छाप्ने गरेको अनुसन्धानमा खुलेको छ ।
प्रहरीले एक हजार का ५१ थान, ५०० का ५७ थान, १०० का दुई थान, प्रिन्टर एक थान, फोटोकपी पेपर, पेपर कटर एक थान, ल्यापटप एक थान, मोबाइल एक थान बरामद गरेको र पक्राउ परेका दुवैसँग थप अनुसन्धान भइरहेको प्रहरीले जनाएको छ ।
