- १० कार्तिक २०८३, मंगलवार / Oct 27, 2026
नेपालगञ्ज । भारतले शनिबार बिहानैदेखि नेपालगञ्ज नाका एक्कासी बन्द गरेकाे छ । नाका बन्द भएपछि त्यहाँ पुगेका नेपालीहरु अलपत्र परेका छन् । भारत तिर जान थालेका नेपाली नाकामा रोकिएपछि तनाव भएकाे छ ।
भारतले जारी गरेको नयाँ नक्सामा नेपालको कालापानी क्षेत्र अाफ्नाे तीर पारेको विषयमा नेपालमा भारतीय प्रधानमन्त्रीको पुत्ला दहनदेखि भारत विरुद्ध दैनिक प्रदर्शन भइ रहेकाले नाका बन्द गरिएको अाशंका नेपालीले गरेका छन् ।
तर त्यसाे नभएर भारतको सुप्रिमकोर्टले शनिबार अयोध्याको राम मन्दिर–बाबरी मस्जिद विवादको मुद्दामा फैसला सुनाउने भएकाले नाका सील गरिएकाे भारतीय अधिकारीले बताएका छन् । भारतले नाका सील गरेपछि मात्रै नेपाली अधिकारीलाई मौखिक जानकारी दिइएको बताईएको छ ।
‘सुरक्षाको दृष्टिकोण’ ले एक्कासी नाका सील गर्नु परेको भारतीय प्रहरीले जनाएको छ। बाँके प्रहरीका प्रवक्ता शिवबहादुर सिंहले भारतीय अधिकारीहरुले बिहान मात्रै नाका सील गरेको जानकारी दिएको बताएका छन्।
