मलेसियामा संकटकाल घोषणा

क्वालालम्पुर । कोरोना महामारी रोक्नका लागि मलेसियाले संकटकाल घोषणा गरेको छ । प्रधानमन्त्री मुहयिदिन यासिनको सिफारिसमा राजा अल सुल्तान अब्दुल्लाले संकटकाल घोषणा गरेका हुन् ।

यो संकटकाल कोरोनाको अवस्था हेरेर १ अगस्टसम्म खुकुलो पनि हुनसक्ने दरबार स्रोतले जनाएको छ। संकटकाल घोषणाको अर्थ कानूनत संसद् स्वतः निलम्बन हुनेछ । यो कदमले जनताको व्यक्तिगत सुरक्षा र देशको चासोलाई पनि सम्बोधन गरेको जानकारहरुले बताएका छन् ।

यासिनले यसअघि गत अक्टुबरमा संकटकाल लगाउन सिफारिस गरेपनि तत्कालीन समय राजाले यस कदमलाई अस्विकार गरिदिएका थिए।