महोत्तरीमा गोली चल्यो, एकजना गम्भीर घाइते

काठमाडौं । महोत्तरीमा गोली चल्दा एकजना गम्भीर घाइते भएका छन् । सामान्य विवादमा गोली चल्दा एकजना घाइते भएका हुन । घाइते हुनेमा श्रवण यादव रहेका छन् । रामगोपालपुर नगरपालिमा स्थानीय कौशल मण्डल र श्रवण यादवबीच भनाभनका क्रममा मण्डलले चलाएको गोली लागेर यादव गम्भीर घाइते भएको प्रहरीले जनाएको छ ।

घाइते यादवलाई उपचारका लागि जनकपुरको जानकी हेल्थकेयरमा राखिएको छ । गोली प्रहार गर्ने मण्डललाई प्रहरीले उनले प्रयोग गरेको पेस्तोलसहित नियन्त्रणमा लिएको छ ।

मण्डलले यादवमाथि दुई राउन्ड गोली प्रहार गरेको जिल्ला प्रहरी कार्यालय महोत्तरीले जनाएको छ । यादवको कन्चट र दाहिने कुममा गोली लागेको छ ।