युट्युबर अर्जुन शिवाकोटी बालिका बलात्कारको अभियोगमा जेल चलान

१३ साउन २०७७ काठमाडौं । युट्युबरका रुपमा आफूलाई चिनाउने अर्जुन शिवाकोटी डिल्लीबजार कारागार चलान भएका छन् । जिल्ला अदालत, काठमाडौंले पुर्पक्षका लागि थुनामा पठाउन आदेश दिएपछि उनलाई कारागार चलान गरिएको हो ।

विश्व हिन्दु महासंघको पदाधिकारी समेत रहेका शिवाकोटीलाई बानियाँटारकी १२ र १४ वर्षीया बालिकालाई बलात्कार गरेको अभियोगमा थुनामा पठाउन आदेश भएको महानगरीय अपराध अनुसन्धान महाशाखाले जानकारी दिएको छ । शिवोकाटीले पीडित बालिकाको परिवारलाई हत्या गर्ने धम्की दिएर करणी गरेको भन्दै उजुरी परेको एसएसपी दिपक थापाले बताए ।