राजमार्ग पूर्ण रूपमा सञ्चालनमा आएपछि यात्रुलाई खुशी

बैतडी । बैतडीको दशरथचन्द राजमार्ग पूर्ण रूपमा सञ्चालनमा आएको छ । लगतारको वर्षाले अवरुद्ध बनेको राजमार्ग अन्तर्गत बैतडीको खोड्पे नजिकै आरुबाटामा पहिरो खसेपछि आइतबारदेखि अबरुद्ध राजमार्ग खुलेको हो ।

राजमार्ग अवरुद्ध बनेपछि अलपत्र परेका यात्रुहरू सडक खुलेसँगै गन्तव्यतर्फ लाग्न थालेको बैतडी प्रहरीले जनाएको छ । सडक सञ्चालनमा आएपनि पहिरोको जोखिम कायमै रहेको प्रहरीले जनाएको छ ।

आइतबार राति ९ बजे एकतर्फी सञ्चालनमा आएको सडक सोमबारबाट पूर्ण रुपमा सञ्चालनमा आएको छ । वर्षा याम भएकाले सबैलाई सजग भएर यात्रा गर्न पनि आग्रह गरिएको छ ।