विमानस्थल सञ्चालन

ताप्लेजुङ । सुकेटार विमानस्थल पुनः सञ्चालनमा आएको छ । मौसममा सुधार आएसँगै विमानस्थल सञ्चालनमा आएको हो । मौसममा परिवर्तन हुुँदा भारी हिमपात भएका कारण यो विमानस्थलमा दुई हप्तादेखि हवाई उडान हुन सकेको थिएन । निगमका जहाजमार्फत काठमाण्डौबाट १४ यात्रु ताप्लेजुङ पुगेको र ताप्लेजुङबाट १७ यात्रु लिएर जहाज काठमाण्डौ पुगेको जनाइएको छ ।

मौसम अनुकूल भएसँगै पूर्ववत् तालिकाअनुसार उडान भएको नेपाल वायुसेवा निगम ताप्लेजुङले जाएको छ । विमानस्थलमा हिमपात र बाक्लो हुस्सुसहित धुम्मिएका कारण उडान तालिकाअनुसार निरन्तर चार पटक उडान रद्द भएको थियो । निगमले यो विमानस्थल हप्ताको तीन दिन सोमवार, बुधवार र शुक्रवार गरी उडान भर्दै आएको छ ।