- २३ बैशाख २०८३, बुधबार / May 6, 2026
पर्सा । कोरोना संक्रमणबाट वीरगञ्जमा थप एक जनाको ज्यान गएको छ । उपचारकै क्रममा वीरगञ्ज–१२ मुर्लीकी ६५ वर्षीया एक महिलाका ज्यान गएको हो । महिलाको ज्यान गएसगै वीरगञ्जमा कोरोनाबाट ज्यान गुमाउनेको संख्या ४६ पुगेको छ ।
शुक्रबार दिउँसो २ बजे श्वासप्रश्वासमा समस्या भएपछि नारायणी अस्पतालमा भर्ना भएकी महिलामा कोरोना संक्रमण पुष्टि भएको थियो । न्युन रक्तचापको समस्याले ग्रसित उनलाई पखाला पनि लागेको जनाइएको छ ।
वीरगञ्जका दुई वटा कोभिड अस्पतालमा ३९ जना महिलासहित १३१ जना उपचाररत छन् । ३३ जना आईसियुमा छन् । उपचारको क्रममा शुक्रबार साँझ साढे ७ बजेतिर उनको मृत्यु भएको अस्पताल स्रोतले जनाएको छ ।
वीरगञ्जमा मृत्यु भएका ४६ मध्ये ३४ जना पर्साका, १० जना बाराका र रौतहटका २ जना रहेका छन् ।
