सडकबाट कार पोखरीमा खस्दा चार जनाको मृत्यु

रौतहट । गए राति कार दुर्घटनामा परेर चार जना भारतीय नागरिकको मृत्यु भएको छ। राति १० बजेतिर चन्द्रनिगाहपुरबाट सदरमुकाम गौरतर्फ आइरहेको कार सडकबाट करिब २० मिटर तल पोखरीमा खसेको हो।

डुबेको कारको सीसा फोरेर प्रहरीले चार जनालाई उद्धार गर्न सफल भएको हो । उपचारका लागि अस्पताल लगेकोमा अस्पतालले उनीहरूलाई मृत घोषणा गरेको थियो। यमुनाई गाउँपालिकाको झुन्खुन्वा चोकनजिकै भारतीय नम्बर प्लेटको कार दुर्घटनामा परेको थियो।

यु.के.१२ सी २९०० नम्बरको कार अनियन्त्रित भएर सडकबाट तल पोखरीमा खसेको हो।