- २१ श्रावण २०८३, बिहीबार / Aug 6, 2026
जुम्ला – जुम्लाका ५८ जना पदाधिकारीले माधवकुमार नेपाल नेतृत्वको नेकपा एकीकृत समाजवादी पार्टी रोजेका छन् । सांसदसहित नेकपा एमाले जुम्लाका ५८ जना पदाधिकारीले समाजवादी पार्टी रोजेको घोषणा गरेका हुन ।
विज्ञप्ति जारी गर्दै प्रदेश सभा सांसद पदमबहादुर रोकायासहित नगरपालिकामा जितेका सबै वडाध्यक्षहरुको निर्वाचन आयोगमा सनाखत भइसकेको र अन्य जनप्रतिनिधिहरुले भाद्र २२ गतेसम्म सनाखत गर्न आह्वान गरिएको जनाइएको छ।
प्रदेश सभा सांसद रोकाया, अध्यक्ष तिर्थ बुढा, उपाध्यक्ष नन्दबहादुर रोकाया, सचिव आदीप्रसाद न्यौपाने, उपसचिव राजबहादुर खत्रीसहितका ६१ जना जिल्ला कमिटी मध्ये तीन जनाबाहेक अन्य सबैले नेकपा एकीकृत समाजवादी पार्टी रोजेको जनाइएको छ ।
