सिद्धार्थ राजमार्गको स्याङ्जा पोखरा सडकखण्ड सञ्चालन

स्याङ्जा । सिद्धार्थ राजमार्गअन्तर्गत स्याङ्जा भालु पहाडमा माथिबाट खसेको पहिरो हटाएपछि सिद्धार्थ राजमार्ग पूर्ण रुपमा सञ्चालनमा आएको छ । तिन दिन देखि परेको अविरल वर्षाको कारण सिद्धार्थ राजमार्गअन्तर्गत स्याङ्जा पोखरा सडकखण्ड विहिबारबाट दुईतर्फी रुपमा सञ्चालनमा आएको हो । चट्टानसहितको ठूलो पहिरो भएकाले सडक खुलाउन समय लागेको जिल्ला प्रहरी कार्यालय स्याङ्जाले जनाएको छ ।

फेदीखोला गाउँपालिका २ भालुपहाडस्थित सिद्धार्थ राजमार्गमा ठूलो ढुङ्गासहित पहिरो खस्दा यातायात अवरुद्ध भएको थियोे। सडक अवरुद्ध हुँदा सिद्धार्थ राजमार्गको पोखरा स्याङ्जा सडकमा सयौँ सवारी साधन रोकिएका थिए । पुतलीबजार नगरपालिका, फेदिखोला गाउँपालिका, सडक विभागसँगको सहकार्यमा र तिनैवटा सुरक्षा निकाएको पहलमा सडक पुर्ण रुपमा सञ्चालनमा आएको छ। यस ठाउँमा सडक विस्तार गरिएकाले पटक पटक पहिरो खस्दा सडक अवरुद्ध हुँदै आएको छ ।