‘अमेरिकामा कोरोनाभाइरसले लियो उग्ररुप’

‘अमेरिकामा कोरोनाभाइरसले लियो उग्ररुप’ image
यौन काण्डमा ट्रम्पलाई पाँच मिलियन डलर जरिवाना

अमेरिका । वासिङ्टनमा कोरोनाभाइरसबाट संक्रमित व्यक्तिको मृत्यु भएपछि कोरोनाभाइरसको संक्रमणले उग्ररुप लिएको एजेन्सीले जनाएको छ । वासिङ्टनको किङ्ग काउन्टीका मानिस भाइरसको संक्रमणमा परेको बताईएको छ । कोरोनाप्रभावित क्षेत्रको यात्रा नगरेको तर भाइरसले संक्रमण गरेको त्यसक्षेत्रका मानिसले बताएका छन् ।

यसअघि, क्यालिफोर्निया, ओरेगनमा पनि कोरानाप्रभावित क्षेत्रमा यात्रा नगरेका र त्यस्ता क्षेत्रको यात्रा गरेर आएकाहरुसँग सम्पर्क नरहेकामा पनि यस भाइरसको संक्रमण देखिएको भन्दै स्वास्थ्य अधिकारीहरुले चिन्ता गरेका थिए । भाइरसको संक्रमण फैलन नदिन आपत्कालको घोषणा गरिएको छ ।

अमेरिकी राष्ट्रपति डोनाल्ड ट्रम्पले अमेरिकीहरुलाई इटाली र दक्षिण कोरियाका कोरोनाभइरसबाट प्रभावित क्षेत्रमा यात्रा नगर्न आग्रह गरेका छन् । विश्व स्वास्थ्य संगठन (डब्लूएचओ) ले हालसम्म ५७ देशहरुमा ८५ हजारभन्दा बढी कोरोना भाइरसका संक्रमित फेला परेको जनाएको छ ।

Kailashkhabar.com

Kailashkhabar.com

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।

कैलाश खवर का अरु लेखहरु पढ्नुस्


hotelghyampedanda