‘नदेख्दा तिमीलाई’ सार्वजनिक, केकी र रञ्जनको प्रेम र रोमान्स

काठमाडौं । ‘नदेख्दा तिमीलाई’ बोलको म्युजिक भिडियो सार्वजनिक भएको छ । रोमाण्टिक भर्सनको यस म्युजिक भिडियोमा नायिका केकी अधिकारी र रञ्जन कोइराला बीचको अन्स्क्रिन प्रेम र रोमान्स देख्न सकिन्छ ।

गीतमा शब्द डि.पी खनालको रहेको छ भने संगीत नबिन कार्कीको रहेको छ । गीतलाई बिशाल निरौलाले संगीत संयोजन गरेका छन् भने गायिका रचना रिमाल र गायक रञ्जन राईले सुमधुर स्वर दिएका छन् ।

बुद्ध थापाले छायाँकन गरेको यस भिडियोलाई सुप्रिम पराजुलीले सम्पादन गरेका हुन् । रशिका कोइरालाको प्रस्तुति रहेको यस भिडियोलाई राजिव समरको निर्देशनमा तयार पारिएको हो । नरेश कोइराला निर्माता रहेका छन् भने भिडियोलाई ओएसआर डिजिटल युट्युव च्यानल मार्फत सार्वजनिक गरिएको छ ।