- ३१ असार २०८३, बुधबार / Jul 15, 2026
चितवन । अतिरिक्त शुल्क फिर्ता वा समायोजनको माग गर्दै चितवन मेडिकल कलेजका विद्याथीहरु निरन्तर आन्दोलनमा छन् । त्यो आन्दोलन वीरगञ्ज र भैरहवासम्म फैलिएको छ । कलेजले न त शुल्क समयोजन गर्ने सहमति कार्यान्वयन गर्न गर्यो नत विद्यार्थीहरुले प्रदर्शन नै रोके।
शनिबार दिउँसो एकाएक पभरतपुर महानगरपालिका(५ कैलाशनगरमा रहेको होस्टलमा प्रहरी छापा मार्यो। प्रहरीले होस्टललाई घेरा हालेर चेक जाँच गर्दा हतियार भेटिएको प्रहरी बतायो । होस्टलभित्र ९ एमएमको पेस्तोल र त्यसमा लाग्ने दुई राउण्ड गोली भेटिएको चितवनका प्रहरी प्रमुख एसपी दानबहादुर मल्लले बताए ।
पेस्तोल कसको र कुन अवस्थामा भेटियो भन्ने कुरा प्रहरीले गोप्य राखेको छ । यता विद्यार्थीहरुले आफूहरूलाई प्रहरीले फसाउने प्रयास गरिरहेको बताएका छन् । नेत्रविक्रम चन्द विप्लवका छोराले सीएमसीमा भैरहेको आन्दोलनको अगुवाई गरिरहेको चिकित्सा शिक्षा संर्घष समितिले जनाएको छ ।
चन्द सहित विद्यार्थी नेतालाई फसाउन प्रहरीले आफैले पेस्तोल र गोली भेटिएको भनेर आतंक मच्चाएको आन्दोलन रत विद्यार्थीले जानकारी दिए ।
