- २२ श्रावण २०८३, शुक्रबार / Aug 7, 2026
१४ श्रावण २०७७ काठमाडौँ । कोरोना महामारीको संक्रमण नघट्दै लकडाउन हटेपछि भाइरसको संक्रमण काठमाडौं केन्द्रीत भएको छ । उपत्यका छिर्ने मानिसको भिडभाड बढ्न थालेपछि जोखिम झन निकै बढेको छ ।
जोखिम बढेपनि उपत्यकामा परीक्षणको दायरा बढ्न सकेको छैन । परीक्षणमा पनि ‘कन्ट्याक्ट ट्रेसिङ’ नमिलेको विज्ञले बताउदै आएका छन् । प्रभावकारी ट्रेसिङ नगरी गरिएको परीक्षणको के अर्थ भन्दै उपत्यकावासीले गुनासो गर्न थालेका छन् । संक्रमितको परिवार र आफन्तको परीक्षण गर्नु मात्रै ट्रेसिङ नभएको र संक्रमित घुमेका हरेक ठाउँका व्यक्ति समातेर परीक्षण गर्न आवश्यक रहेको विज्ञहरुले बताएका छन् ।
त्यसैले परीक्षणको दायरा बढाएर संक्रमण निरुत्साहीत बनाउनु पर्ने सुझाव उनीहरुले दिएका छन् । ४० प्रतिशतलाई मात्रै ज्वरो देखिन सक्ने भएकाले ज्वरो नआएकालाई पनि परीक्षण गर्नुपर्ने सुझाव मान्नै पर्छ ।
