वडासचिव पक्राउ, महिला बलात्कार गरेकाे आरोप

२१ साउन २०७७ कैलाली । भजनी नगरपालिका– ४ का वडासचिव सुमनकुमार चौधरी बलात्कार पक्राउ परेका छन् । एक महिलालाई बलात्कार गरेको आरोपमा पक्राउ गरिएको हो ।

जिल्ला प्रहरीको आदेशमा वडासचिव चौधरीलाई इलाका प्रहरी कार्यालय भजनीले पक्राउ गरी जिल्ला ल्याउँदै गरेको जिल्ला प्रहरी कार्यालयका प्रवक्ता प्रतीक विष्टले बताए । वडाध्यक्ष जन्ताराम चौधरीले वडासचिव र उक्त महिलाबीच पुरानो सम्बन्ध रहेको बताए ।

सम्बन्ध बिग्रिएपछि बलात्कारको आरोप लगाई वडासचिव चौधरीलाई फसाउन बलात्कारको आरोप लगाएको उनले बताए । महिलाले जिल्लामै पुगेर उजुरी दर्ता गरेपछि मात्र घटना सार्वजनिक भएको हो । घटनाबारे अनुसन्धान भैरहेको प्रहरीले जनाएको छ ।