- ११ कार्तिक २०८३, बुधबार / Oct 28, 2026
३२ साउन २०७७ । विश्वका विभिन्न दैशमा अलपत्र परेका ५१ हजार ४ सय ४१ जनाको उद्धार गरिएको छ । सरकारले चैत्र ११ गते लकडाउन गरेपछि साउन ३१ गतेसम्म ५१ हजार ४ सय ४१ जानको उद्धार गरी नेपाल ल्याइएको हो ।
म्यानमारबाट ८ सय ११, कुवेतबाट ६ हजार ३ सय २९, जापानबाट १ हजार २ सय ८२, थाइल्यान्डबाट ३ सय २६, दक्षिण कोरियाबाट ९ सय ६७, बंगलादेशबाट ८ सय ४१, मलेसियाबाट ७ हजार ६ सय ४२ जना, अफगानिस्तानबाट ५०, अस्ट्रेलियाबाट ९ सय ४३, ओमानबाट ८ सय ११, कतारबाट ६ हजार १ सय ९१ जना गरी सरकारले ३० मुलुकबाट ती नेपालीलाई नेपाल ल्याउन सफल भएको हो ।
इजरायलबाट १ सय २७, चीनबाट २ सय ८, टर्कीबाट १ सय १०, फिलिपिन्सबाट २ सय १, स्विजरल्यान्डबाट १०, दक्षिण सुडानबाट २ सय ५०, सेन्टर रिपब्लिक कारबाट ६८, भारतबाट ८५ जनालाई उद्धार गरेको कोभिड–१९ क्राइसिस म्यानेजमेन्ट सेन्टरले उल्लेख गरेको छ ।
उद्धारकै क्रममा माल्दिभ्सबाट ७ सय ९, श्रीलंकाबाट ५, युनाइटेड अरब इमिरेट्सबाट १४ हजार ३ सय १४, साउदी अरेबियाबाट ७ हजार ८ सय १७, सिंगापुरबाट २ सय ९७, हङकङबाट ८९, पाकिस्तानबाट ७२, बहराइनबाट ९ सय ८०, अमेरिकाबाट ४ सय २३, बेलायतबाट २ सय २९ जनालाई नेपाल ल्याइएको सेन्टरले जनाएको छ ।
