- ३० चैत्र २०८२, सोमबार / Apr 13, 2026
काठमाण्डाैं, बैशाख ६ । वन्यजन्तुको मासु प्रयोगमा कडाइ गर्न विश्व स्वास्थ्य संगठन (डब्लुएचओ)ले निर्देशन दिएको छ । कोरोना भाइरस कोभिड–१९ को महामारीले संसार चेटामा परिरहेको वेला विश्व स्वास्थ्य संगठन (डब्लुएचओ) वन्यजन्तुको मासुमा प्रतिबन्ध लगाउन विश्वका सबै देशलाई निर्देशन गरेको हो ।
बजारमा जीवित वन्य जनावरको खरिद–बिक्री जन–जुन देशमा हुन्छ ती सबैमा आवश्यक गुणस्तरको अनुमति लिएर मात्र गर्नुका साथै प्रतिबन्ध लगाउन डब्लुएचओले आग्रह गरेको हो ।
डब्लुएचओका महानिर्देशक टेड्रोस एडहनाम घेब्रेयेससले सबै देशका सरकारलाई अपिल गर्दै कोरोना भाइरसको महामारीलाई मध्यनजर गरेर वन्यजीवको मासुमा कडा प्रतिबन्ध लगाउन निर्देशन दिएका हुन ।
नयाँ भाइरसहरू ७० प्रतिशत जनावरबाट नै मानिसमा सरेको उल्लेख गर्दै कोरोना भाइरसको संक्रमण कसरी सुरू भयो भन्नेबारे पनि बुझ्ने प्रयास भइरहेको उनले जानकारी दिए ।
