- ११ असार २०८३, बिहीबार / Jun 25, 2026
३ भदौ २०७७ काठमाडौँ । उपत्यकामा अबदेखि मर्निङ वाकमा निस्केपछि कारबाही हुने भएको छ । अत्यावश्यक नभएको काममा निस्कने वित्तिकै कारवाहीमा पर्ने गरि निषेधाज्ञा लागु भएको छ । रातिदेखि लागु हुने निषेधाज्ञाको आदेशानुसार प्रहरीले कडाई गरेको छ ।
“मर्निङ वा इभिनिङ वाक जान्छु भनेर पनि भन्न नपाईने भन्दै सङ्क्रामक रोग ऐन २०२० अनुसार कारवाही हुने काठमाडौँका प्रमुख जिल्ला अधिकारी जनकराज दाहाल बताए । आदेशलाई अपहेलना गर्ने व्यक्ति उपर एक महिनासम्म कैद वा रु १०० सम्म जरिवाना वा दुवै सजाय हुने व्यवस्था छ । त्यस्तै यो ऐनअन्तर्गत अधिकृत व्यक्तिलाई काममा बाधा पु¥याउनेलाई छ महिनासम्म कैद वा रु ६०० सम्म जरिवाना वा दुवै सजाय हुने व्यवस्था छ ।
कोभिड–१९ को सङ्क्रमण फैलिँदै गएकाले यसअघि बनदाबन्दीमा अपनाइएको सहजीकरण यो अवधिमा लागु नहुने उनको भनाई छ । सवारी पाससमेत जारी नगरिने निषेधाज्ञाको आदेश भएको छ । उपत्यकामा महामारीको अवस्था रहेकाले कडाइ गर्नुपर्ने अवस्था आएको नेपाल प्रहरीले जनाएको छ । प्रशासनको निर्णयअनुसार महानगरीय प्रहरी कार्यालयमार्फत आवश्यक ड्युटी खटाउनेदेखि तयारीका सबै व्यवस्थापन गरिएको प्रहरीका केन्द्रीय प्रवक्ता प्रहरी वरिष्ठ उपरीक्षक कुबेर कडायतले बताए ।
आदेश पालनामा कुनै कसर बाँकी नराख्ने भन्दै कडायतले उपत्यकाका तीन जिल्लाका प्रजिअको मंगलबारको बैठकले आज रातिदेखि लागू हुने गरी अत्यावश्यकबाहेकका सबै गतिविधिमा निषेधको आदेश जारी गरेको छ । राति १२ः०० बजेदेखि भदौ १० गतेसम्म आदेश लागू हुनेछ ।
के गर्न हुने के गर्न नहुने ?
