अवैध हतियार सहित तीन जना पक्राउ

काठमाडौँ । पर्साको वीरगञ्ज महानगरपालिकाबाट अवैध हतियारसहित प्रहरीले तीन जनालाई पक्राउ गरेको छ । पक्राउ पर्नेमा वीरगञ्ज महानगरपालिका – २५ का २२ वर्षीय अनिल पटेल, २० वर्षीय लक्की पटेल र पोखरीय नगरपालिका– २ का २० वर्षीय विक्रान्त पटेल रहेकाे प्रहरीले बताएकाे छ ।

हतियार बेचविखन भइरहेको सूचनाका आधारमा वीरगञ्ज महानगरपालिका –१५ लक्ष्मणवा चोकस्थित एक होटलबाट उनीहरूलाई पक्राउ गरिएको जिल्ला प्रहरी कार्यालय पर्साका डीएसपी ओमप्रकाश खनालले बताए ।

दुईवटा मोटरसाइकल बरामद भएको छ भने उनीहरुमाथि थप अनुसन्धान भइरहेको डीएसपी खनालले जानकारी दिए ।