- ११ कार्तिक २०८३, बुधबार / Oct 28, 2026
२२ बैशाख २०७७ काठमाडौं । अहिले सम्म विश्वभर कोरोना संक्रमितको संख्या साढे ३५ लाख नाघेको छ । वल्डोमिटरको तथ्यांकअनुसार कुल ३५ लाख ६२ हजार ७ सय ५९ जनामा कोरोना संक्रमण पुष्टि भएको हो ।
मृत्यु हुनेको संख्या २ लाख ४८ हजार १ सय १६ पुगेको छ । विश्वमा एकै दिन ८१ हजार ३ सय ३० जना नयाँ संक्रमित फेला परेका छन् । संक्रमितको संख्या अमेरिकामा सबैभन्दा बढी छ । ११ लाख ८७ हजार ५ सय १० जनामा संक्रमण पुष्टि भएको छ । अमेरिकामा ६८ हजार ५ सय ८१ जनाको ज्यान गएको छ ।
पछिल्लो २४ घण्टामा अमेरिकामा १ हजार १ सय ३७ को ज्यान गएको तथ्यांक छ । स्पेनमा २ लाख ४७ हजार १ सय २२ छन् । स्पेनमा अहिले सम्म २५ हजार २ सय ६४ जनाको ज्यान गएको छ । इटालीमा २ लाख १० हजार ७ सय १७ जनामा संक्रमण भेटिएको छ ।
त्यस्तै २८ हजार ८ सय ८४ जनाको ज्यान गएको छ । बेलायतमा १ लाख ८६ हजार ५ सय ९९ संक्रमित छन् । त्यहाँ २८ हजार ४ सय ४६ जनाको मृत्यु भएको छ । फ्रान्समा १ लाख ६८ हजार ६ सय ९३ जनामा संक्रमण पुष्टि भएको छ । त्यहाँ मृत्यु हुनेको संख्या २४ हजार ४ सय ४६ रहेको छ । विश्वभर ११ लाख ५३ हजार ८ सय ४७ जना कोरोना संक्रमित निको भएका छन् ।
