- २० श्रावण २०८३, बुधबार / Aug 5, 2026
१७ जेठ २०७७ अमेरिका । राष्ट्रपति डोनाल्ड ट्रम्पले विश्व स्वास्थ्य संगठन (डब्ल्युएचओ) बाट अलग्गिने घोषणा गरेका छन् । कोरोना भाइरसलाई नियन्त्रणमा नलिएको आरोप लगाउँदै ट्रम्पले डब्ल्यूएचओमा आवद्ध नहुने सुक्रबार घोषणा गरेका छन् ।
अमेरिकाले दिँदै आएको सहायता ट्रम्पले यसअघि नै नदिने घोषणा गरेका थिए । डब्ल्यूएचओलाई चीनको कठपुतली भएको आरोप लगाउँदै अमेरिकी राष्ट्रपति ट्रम्पले अमेरिकाले गर्दै आएको सहयोग नदिने र अलग हुने पत्रकारलाई बताएका हुन ।
डब्ल्यूएचओले गरेको गल्तीको मूल्य सारा विश्वले नै चुकाइरहेको आरोप लगाएर ट्रम्पले विभिन्न निउ खोजिरहेका थिए । शुक्रबार आयोजित पत्रकार सम्मेलनमा डब्ल्यूएचओले कोरोना भाइरसका मामिलामा चीनसँग मिलेर पूरै विश्वलाई गुमराहमा पारेको गम्भिर आरोप ट्रम्पले लगाएर अलग भएको घोषणा गरेका हुन् ।
