- २५ भाद्र २०८३, बिहीबार / Sep 10, 2026
¬नेपालमा कोरोना संक्रमणमा दिनदिनै बृद्धि ।
¬सर्वसाधारण, मन्त्री र सांसदलाई कोरोना संक्रमण ।
¬प्रदेश नम्बर २मा प्रतिनिधिसभा सदस्य सहित १ सय ९९ जना संक्रमित ।
३० साउन २०७७ । प्रदेश नम्बर २ मा प्रतिनिधिसभा सदस्य सहित १ सय ९९ जनामा कोरोना संक्रमण पुष्टि भएको छ ।
जनता समाजवादी पार्टीको तर्फबाट सप्तरी जिल्लाबाट निर्वाचित प्रतिनिधिसभा सदस्य डा. सूर्यनारायण यादव सहित एक सय ९९ जनामा कोरोना संक्रमण पुष्टि भएको हो ।
प्रदेशमा संक्रमितको संख्या ६ हजार ६ सय २७ पुगेको छ भने संक्रमित मध्ये ५ हजार ८ सय ६८ पुरुष र ७ सय ५९ जना महिला रहेको प्रदेश स्वास्थ्य निर्देशनालयले जनाएको छ ।
पछिल्लो २४ घण्टामा शुक्रबारसम्म धनुषामा ५४ जना, पर्सामा ३२ जना, सर्लाहीमा २७ जना, रौतहटमा २४ जना, सप्तरीमा २१ जना, महोत्तरी र बारामा २० र २० जना र सिरहामा १ जना व्यक्ति संक्रमित छन् ।
