- २५ भाद्र २०८३, बिहीबार / Sep 10, 2026
२० साउन २०७७ गोरखा । पालुङटार नगरपालिका–४ का वडाध्यक्ष ठाकुरकान्त रानाभाट पक्राउ परेका छन् । आफ्नै वडाकी एक १४ वर्षीय बालिकालाई बलात्कार गरेको आरोपमा पक्राउ गरेको जिल्ला प्रहरी कार्यालय गोरखाका प्रमुख प्रहरी उपरीक्षक (एसपी) सुरेन्द्रबहादुर गुरुङले बताए ।
पीडित बालिकाका आफन्तले दिएको उजुरीका आधारमा उनलाई नियन्त्रणमा लिइएर अनुसन्धान थालिएको प्रहरी जनाएको छ । रानाभाटविरुद्ध जबर्जस्ती करणी उद्योगमा मुद्दा दर्ता गरी अनुसन्धान अघि बढाइएको हो । पक्राउ परेका वडाध्यक्ष रानाभाटले यसअघि पनि पटकपटक पीडित बालिकालाई बलात्कार गरेको अनुसन्धानमा खुलेको प्रहरीको भनाई छ ।
