- २७ श्रावण २०८३, बुधबार / Aug 12, 2026
सुनसरी । सुनसरीको जिल्ला प्रहरी कार्यालय परिसरको प्रहरी हिरासतमा रहेका थुनुवाको मृत्यु भएको छ । हिरासतमा रहेका एक थुनुवाको मृत्यु भएपछि जिल्ला प्रहरी कार्यालय परिसर तनावग्रस्त बनेको हो ।
अनुसन्धानको क्रममा थुनामा रहेका भोक्राहा ५ का मोहम्मद हकिम साह अभद्र व्यवहार मुद्दामा पक्राउ परेका थिए । प्रहरीका अनुसार उनले आत्महत्या गरेको हुन । पीडितका आफन्त सहितको भीड र प्रहरीबीच दोहोरो झडप भएपछि प्रहरी सहित एक दर्जन बढी घाइते भएका छन् । झडपका क्रममा प्रहरी कार्यालय र परिसरका संरचनामा समेत क्षति पुगेको प्रहरी जानकारी दिएको छ । लाठी बोकेको समूह प्रहरीमाथि जाइलागेपछि स्थिति नियन्त्रणमा लिन प्रहरीले अश्रुग्यास प्रहार गरेको थियो ।
जिल्ला प्रहरी कार्यालय सुनसरीका प्रमुख सञ्जय सिंह थापाले सीसीटीभी क्यामेरामा स्पष्ट आत्महत्या गरेको देखिएकाले प्रहरी माथि आक्षेप लगाउनु उचित नहुने बताए । कार्यालय र इनरुवा बजार क्षेत्रमा ठूलो संख्यामा प्रहरी परिचालन गरिएको छ ।
प्रहरीले सुनियोजित रुपले थुनामा रहेका व्यक्तिको हत्या गरेको भन्दै लाश नबुझ्ने उनीहरुले बताइरहेका छन् । प्रदर्शनकारीले पूर्वपश्चिम राजमार्ग समेत अवरुद्ध पारेका छन् ।
